Skónčnje je zaso tak daloko a dźiwadło zaso hraje. Smy wšitcy tutón spodźiwny korona čas přetrali abo tola hišće nic? Znajmjeńša bě to tež za čmjełu Hanu spodźiwne , hdyž widźeše ludźi w zašłych měsacach z rubiškami na nosu po dróhach běhać. Čmjeła Hana je zaso ducy po serbskich pěstowarnjach a zakładnych šulach a wězo přewodźujetaj ju zaso jeje přećelej zmij Domabor a pinguin Kurt. Tónle raz přihotuja so wšitcy na dowol – skónčnje, wšako bě lětsa wupadnył. Zmij Domabor powěda wo Galapagosu, Pinguin Kurt wo Islandskej a Hana hotuje so na jězbu z dowolowej łódźu po wulkim morju. Kajke dyrdomdeje jich tam wočakuja a što wšo dyrbja w swojim kófrje sobu wzać, dožiwiće, hdyž čmjeła Hana k wam přileći.

Dźiwadłowa hra k sobuhraću za serbske a serbšćinu wuknjace dźěći.