Serbska drasta a bodypainting, hodźi so to scyła hromadźe?

Stóž chce tole wědźeć, njech přindźe sobotu 21. meje wot 10- 17 hodź. do Serbskeho muzeja w Budyšinje pohladać. Tam wotměje so workshop za młodych kreatiwnych pod hesłom „Wot party k borće“. Katrin Salmen a Matej Zieschwauck pokazatej, što maš při pomolowanju wobliča z ornamentami a při fotoshootingu wšo wobkedźbować. Słowakski wustajenski projekt „PARTY w 21. lětstotku“ skića ideje tež za nas Serbow. Za hru ze symbolemi a barbami je wšelaka serbska swjedźenska pycha přihotowana. Stóž chce, móže sej swójski make-up, wěcy za šminkwanje a kameru sobu přinjesć. Tež młodźi mužojo su wutrobnje witani!