Na koncerty wokoło noweho lěta witaja Was hudźbnicy a rejowarjo Serbskeho ludoweho ansambla kaž tež spěwnaj solistaj ze znatymi melodijemi a wuraznymi rejemi. Twórby z klasikarjow Wienskeje Straussoweje dynastije a jich rowjenkow njesmědźa při tym pobrachować. Dale zaklinći wuběr operetow Franza Lehára. K wjerškam liča nimo toho kruchi swětoznatych musicalow kaž tež chłóšćenki serbskich komponistow. Moderatorka Kristina Nerád wjedźe Was po zwučenym wašnju šarmantnje po programje.