Hdyž so w Serbach nowonarodźene wukřći, rězbarješe mać drjewko, ličeše pjenjezy abo sedźeše při kołróće. Wona bě pilna, zo by tež jeje dźěćo pilne było. Hdyž w Serbach štó zemrě, tak so wěrješe, zo so jeho duša hnydom do njebjes njepoda, ale so jako wětřičk abo mjetelčka štyrceći dnjow dokoła doma pohibowaše …

Wašnja, nałožki, křesćanske tradicije a lětstotki stare přiwěrki su hižo zdawna serbskemu ludej z wulkej zepěru, wosebje na spočatku žiwjenja a na jeje kóncu. Tutym fascinowacym nałožkam kołowokoło naroda a smjerće wěnujetaj intendant Tomas Kreibich-Nawka a Lipšćanski režiser Philipp J. Neumann rejowane dźiwadło „Přichad a wotchad“. Hač w poetiskich scenach a skutkownych choreografijach, kiž dokumentariske widejowe projekcije přewodźeja, hač z jimacej orchestrowej hudźbu serbskich komponistow a z historiskimi pěsnjemi – chórowy a rejwanski ansambl Serbskeho ludoweho ansambla powěda, spěwa a hraje wo drje najzbožownišich a najstruchlišich wokomikach čłowjeskeho žiwjenja.

njedźelu, 05.11.2023, 17:00 Uhr, Budyšin, SLA
16:30 hodź. poskići so zawod do krucha

Vom Kommen und Gehen
Brauchtum, christliche Traditionen und jahrhundertealter Aberglaube gaben dem sorbischen Volk von jeher großen Halt. Insbesondere am Lebensanfang und an seinem Ende. Diesen faszinierenden Geburts- und Sterbebräuchen widmen Intendant Tomas Kreibich-Nawka und der Leipziger Regisseur Philipp J. Neumann das Tanzmusiktheater VOM KOMMEN UND GEHEN.

Sonntag, 05.11.2023, 17:00 Uhr, Bautzen, SNE
16:30 Uhr Stückeinführung