Prěni serbski poetryslam
Młodźi serbscy poetryslamerjo pytani

Snadź je tón abo tamna hižo raz něšto wo poetryslamje słyšał/-a. Što pak so dokładnje za tym chowa, abo kak wotběži tajki poetryslam, to drje je skerje mało ludźom znate.
Serbski ludowy ansambl a Ludowe nakładnistwo Domowina chcetej tutu formu zaběry z rěču a literaturu zajimcam zbližić a zhromadnje z Thomasom Jurischom – poetryslamerom z Drježdźan a zarjadowarjom tajkich eventow – w serbskej kulturje zadomić.

W dźěłarničce, kotraž wotměje so wot 26. do 27. měrca 2022 w Budyšinje abo wokolinje, móža so literarnje zajimowani młodostni intensiwnje z tutej temu zaběrać.

Workshop skići dohlad do stawiznow nastaća žanrow „poetryslama“ a „spoken word“ a z live-performance so wšelake přikłady předstajeja. Cil dźěłarnički je, zo nastanu hornjo- a delnjoserbske teksty najwšelakorišeho razu (snadź tež dwurěčne) a k tomu so ideje za jich předstajenje před publikumom wuwija. Rěčni poradźowarjo steja zajimcam poboku a z nimi na tekstach filuja, šmóraja, přetworjeja. Dźiwadźelnicy dawaja potom najwšelakoriše pokiwy za live-prezentaciju.

18. junija 2022 prezentuja so wudźěłki na 1. serbskim poetryslamje „lit|a|pop“ na Byrgarskej zahrodźe při Serbskim ludowym ansamblu w Budyšinje, hdźež so zdobom nowy zešiwk młodeje serbskeje literatury „Paternoster 9“ předstaji.

Přenocowanje w młodowni je po potrjebje móžne a so organizuje.

Přizjewjenja za dźěłarničku přijimuja so hač do 4. měrca 2022 pod nachwuchs@sne-gmbh.com

Přizjewjenske formulary namakaće pod www.ansambl.de

foto: Stefan Cuška – na foće widźeć: Thomasom Jurisch (poetryslamer z Drježdźan a zarjadowar tajkich eventow) a Tomas Kreibich-Nawka (při klawěrje/ intendant SLA a hudźbnik)

Erster sorbischer Poetry-Slam
Junge sorbische Poetry-Slammer gesucht

Jeder hat schon einmal etwas von einem Poetry-Slam gehört, aber was sich genau dahinter verbirgt oder wie so eine Poetry-Slam eigentlich abläuft, wissen die wenigsten.

Tomas Kreibich-Nawka (Musiker und Intendant des Sorbischen National-Ensembles) und Thomas Jurisch (Poetry-Slammer aus Dresden und Veranstalter diverser Slams) möchten dies in Kooperation mit dem Domowina-Verlag ändern und das Genre Poetry-Slam auch in der sorbischen Kultur verankern.

In einem Workshop vom 26. bis 27. März 2022 in Bautzen oder Umgebung können literarisch motivierte Jugendliche umfassend in das Thema eintauchen. Die Genres „Poetry-Slam“ und „Spoken word“ werden hier intensiv beleuchtet. Es werden Einblicke in deren Entstehungsgeschichte gegeben und in einer Live-Performance werden verschiedene Beispiele vorgetragen. In eigenen praktischen Versuchen können die Teilnehmer anschließend erkunden, wie ein Zusammenspiel von Text und Musik funktionieren kann.

Ziel ist es, das ober- und niedersorbische (eventuell auch zweisprachige) Texte entstehen und Ideen zu deren Live-Präsentation entwickelt werden. Sprachcoaches stehen den Interessenten bei der Erarbeitung der Texte zur Seite und Schauspieler geben Tipps und Tricks zur Performance on stage.

Am 18. Juni 2022 werden die Ergebnisse dieses Workshops im Bürgergarten des SNE in Bautzen präsentiert, wo ebenfalls das neue Heft junger sorbischer Literatur „Paternoster 9“ vorgestellt wird.

Eine Unterbringung in der Jugendherberge in Bautzen ist möglich.

Anmeldeschluss ist Freitag, der 4. März 2022.
Das Anmeldeformular finden Sie unter:  www.ansambl.de

Foto: Stefan Zuschke – im Bild zu sehen: Tomas Kreibich-Nawka (am Klavier/ Musiker und Intendant des Sorbischen National-Ensembles) und Thomas Jurisch (Poetry-Slammer aus Dresden und Veranstalter diverser Slams)