Młoda band w NDRskim času piska a žiwori, kaž bě to tehdy z wašnjom. Napodobnja swoje idole z wulkeho swěta a swjeći, swjeći, swjeći… doniž njeje jim myslenje a žiwjenje w kraju přewuske, tuž spytaja ćeknyć přez hranicu do zapada. Hač so jim to zešlachći a kotre strachi a dwěle maja přetrać, to chcemy w jimacej hrě hrajo, hudźo, spěwajo a rejujo předstajeć. Serbscy a němscy młodostni steja zhromadnje na jewišću a wužiwaja samozrozumliwje swojej rěči. Hra nasta w zhromadnym dźěle z Kamjentnym domom z.t w ramiku Pop2Go. W lěće 2020 wo- a dopominamy so na zjednoćenje Němskeju statow před 30 lětami a znazornjamy z tutej hru młodym hrajerjam a publikumej žiwe stawizny.

hraja: sobukutkowacy Serbskeho młodźinskeho dźiwadła při NSLDź a młodostni z Kamjentneho domu z.t.