W rjedźe Łužiskeho literarneho dopołdnja (Lausitzer Literatur vorMittag) Němsko-Serbskeho ludoweho dźiwadła Budyšin čita njedźelu 27. februara w 11 hodź. we wulkim domje, režiser, awtor, dołholětny dźiwadźelnik a čestny čłon NSLDź Michał Lorenc k stawiznam Budyskeho dźiwadła. Tutón raz pod titulom, „70. stawizna – tajna misija a wotkryta legenda“. W lěće 2013 je wušła po 12lětnym rešeršowanju kniha wo wjac hač 600 lět dźiwadłowych stawiznow města Budyšin, „Bautzener Theatergeschichten“ w nakładnistwje Berliner Verlag Theater der Zeit. Awtor Michał Lorenc (nar. 1939), kiž je přez lětdźesatki jako serbsko-němski dźiwadźelnik a režiser profil Němsko-Serbskeho ludoweho dźiwadła sobu tworił a kiž je jako čestny čłon NSLDź z tutym hač do dźensnišeho wusko zwjazany, je na nimale 600 stronow 69 zajimałe a zabawne stawizny napisał. Nětko sćěhuje 70.!

Wot 10 hodź. je móžnosć w foyeru snědać, hdyž sće sej městno z časom skazali.
Kartki dóstanjeće přez internetowu stronu, přez telefon 03591/ 584 225 abo direktnje při dźiwadłowej kasy na Seminarskej, wutoru do pjatka mjez 11.00 a 16.00 hodź.