Łužiske dohlady
Filmowy wječor z hudźbu

Filmowy wječor je wobstatk serbskeho filmoweho programa Łužiske dohlady | Lausitzer Einblicke | Łužyske doglědy w Budyšinje. Pod tutym hesłom wotměwaja so lětsa dohromady štyri zarjadowanja, kotrež so zhromadnje z filmowym festiwalom „Nysa“, Serbskim ludowym ansamblom, Kamjentnym domom z.t., Załožbu za serbski lud, Domowinu – Zwjazkom Łužiskich Serbow z. t. a Łužycafilm – Serbsko-němska filmowa syć organizuja.

„Dokumentacija serbskeho žiwjenja we wšěch fasetach dožiwi po 2. swětowej wójnje rozwiće. (…) Po załoženju NDR tematizowaše filmowe předewzaće DEFA dwurěčnu Łužicu. W tutym zwisku nastachu reportaže wo twarje Serbskeho domu w Budyšinje a wo žnjowych nałožkach w Błótach. Tydźenska přehladka „Der Augenzeuge“ rozprawješe wo Serbach. DEFA-studija za krótko-, dokumentarno- a popularnowědomostne filmy w Berlinje a Podstupimje produkowachu pod režiju Hansa-Güntera Kadena kulturne filmy za pódlanski  program w kinach, kotrež nastupachu hłownje serbske nałožki, kaž n. př. „Přaslica a camprowanski kwěćel“ (scenarij: Měrćin Nowak-Njechorński, hudźba: Jurij Winar, 1955) a „Nóc chodojty a mejska reja“ (1956). Předstajenje serbskeho kwasa Wojerowskich kónčin pod titulom „Hdyž Jan a Leńka kwasujetaj“ (scenarij: M. Nowak-Njechorński, hudźba: J. Winar, 1955) podkładźechu z wobrazami kombinata Čorna Pumpa jako symbol brunicoweho hórnistwa we Łužicy.“ (žórło: Serbski kulturny leksikon / awtor: Toni Bruk).

Tute tři krótke dokumentarne filmy so k filmowemu wječorkej zaso pokazaja. Tehdyši intendant Jurij Winar kaž tež jeho chórowy dirigent a dramaturg Helmut Fritsche běštaj zamołwitaj za filmowu hudźbu tutych DEFA-paskow, čehoždla so filmowy wječor přez mały koncert z kompozicijemi J. Winarja a H. Fryče ze smyčkowym ansamblom orchestra SLA a klarinetistom Tobiasom Witkom na klarineće wudospołni. Jurij Łusčanski poda zawodne słowa k filmam.

Termin:

Pjatk, dnja 4.nowembra 2022 w 19.30 hodź. w Budyšinje, žurla SLA

Kartki dóstanjeće při kasy Serbskeho ludoweho ansambla abo online pod www.ansambl.de

Lausitzer Einblicke
Filmabend mit Musik

Dieser Filmabend ist Bestandteil der sorbischen Filmprogrammreihe Łužiske dohlady | Lausitzer Einblicke | Łužyske doglědy in Bautzen/Budyšin. Unter diesem Motto finden dieses Jahr insgesamt vier Veranstaltungen statt, welche gemeinsam mit dem Neiße Filmfestival, dem Sorbischen National-Ensemble, dem Steinhaus e.V., der Stiftung für das sorbische Volk, der Domowina – Bund Lausitzer Sorben e. V. und Łužycafilm – Sorbisch-Deutsches Filmnetzwerk organisiert werden.

„Die Dokumentation sorbischen Lebens in allen Facetten erlebte nach dem Zweiten Weltkrieg einen Aufschwung. (…) Nach Gründung der DDR thematisierte das DDR-Filmunternehmen DEFA wiederholt die zweisprachige Lausitz. Es entstanden Reportagen über den Bau des Hauses der Sorben in Bautzen und über Erntebräuche im Spreewald. Die Wochenschau „Der Augenzeuge“ berichtete über die Sorben. Die DEFA-Studios für Kurz-, Dokumentar- und populärwissenschaftliche Filme in Berlin und Potsdam produzierten unter der Regie von Hans-Günter Kaden Kulturfilme für das Kino-Beiprogramm, die v. a. das sorbische Brauchtum betrafen, wie z. B. „Rockenstock und Zamperstrauß“ (Drehbuch: Měrćin Nowak-Njechorński, Musik: Jurij Winar, 1955) und „Hexennacht und Maientanz“ (1956). Die Vorführung einer Hochzeit aus dem Hoyerswerdaer Land unter dem Titel „Wenn Jan und Lenka Hochzeit machen“ (Szenarium: M. Nowak-Njechorński, Musik: J. Winar, 1955) wurde mit Bildern des Kombinats Schwarze Pumpe als Sinnbild für den Braunkohlenbergbau in der Lausitz unterlegt.“ (Quelle: Sorbisches Kulturlexikon / Autor: Toni Bruk)

Diese drei kurzen Dokumentarfilme werden zum Filmabend wieder auf die Leinwand gebracht. Sowohl der damalige Intendant Jurij Winar als auch sein Chordirigent und Dramaturg Helmut Fritsche waren für die Filmmusik dieser DEFA-Streifen verantwortlich, weshalb der Filmabend durch zwei kleine Konzerte mit Kompositionen von J. Winar und H. Fritsche durch das Streichensemble des Orchesters des SNE und Tobias Witke an der Klarinette ergänzt wird. Jurij Wuschansky  wird einige einführende Worte zu den Filmen sprechen.

Termin:

Freitag, den 4. November 2022 um 19.30 Uhr in Bautzen, Saal des SNE

Karten gibt es an der Kasse des Sorbischen National-Ensembles oder online unter www.ansambl.de