Serbski institut poskića dohlad do aktualnych předewzaćow swojeho slědźenja a informuje wo dźěłowych wuslědkach. W přednoškach tematizuja so zawěsćenje awdijo-wizuelneho herbstwa, wubrane wuslědki ewaluacije koncepta „2plus“ a wliw wobhadneje rěče na komunikatiwnu kompetencu šulerjow 9. lětnikow, skutkowanje publicista, spisowaćela a mjeńšinoweho politikerja Jana Skale (1889-1945) kaž tež dołhodobne rěčne planowanje.