- Diese Veranstaltung hat bereits stattgefunden.
Dołhož fenki běža (Und ewig rauschen die Gelder)
29. September 2021 @ 10:00 - 12:00
Dołhož fenki běža, wjerći so tež žiwjenje bjezstarostnje. Tola što činiš, hdyž je dźěło fuk a pjenjezy su trjeba? Staraš so wo to, zo pjenježne žórło njewusaknje. Eric Swan, na sebi dobra duša, njezamóže so swojej žonje Lindźe wuspowědać, zo žno dawno wjace žane dźěło nima. Město toho pak je cyle lukratiwnje za tym přišoł, kak móhł dochody narunać. Syć socialnych podpěrow je wulka, hdyž maš podružnika w domje, za kotrehož próstwu stajiš. Wšojedne hač je tón runje bjezdźěłny abo samo do Kanady wupućował abo
tola ćežko chory we łožu leži. Eric je w tutym nastupanju liška a pomocliwosć socialneho stata zdawa so bjezkónčna, hdyž dźe wo inwalidowu rentu, chorobne a dźěćace pjenjezy, podpěru za bydlenje abo šulske mloko. Mjeztym, zo jeho žona Linda z toho wuchadźa, zo dźe Eric wšědnje pěknje na dźěło, stara so wón běžnje wo fenki.
Doniž njesteji rjaneho dnja njejapcy pruwowar socialneho hamta před durjemi.
Michael Cooney je napisał kołwrótnu komediju połnu šmjatańcow, zaměnjenjow a žortnych překwapjenkow.
