Što so stanje, hdyž so něchtó připadnje z nuzy do serbskeho swěta namaka? Kajki zaćišć zawostaja žiwjenje na wsy w młodym čłowjeku globalizowaneho časa? Čuje so wón witany w serbšćinu rěčacym zhromadźenstwje? Kak atraktiwny je swět, w kotrymž ma kóžde swoje městno, za někoho, kiž to nima? Kak wotewrjeny abo začinjeny je serbski swět za zwonkastejacych? We wobłuku kampanje „So geht sächsisch“nastaty krótkofilm Lipšćanskeje režiserki Patricije Kaube spyta tež Njeserbam w Sakskej Serbow zbližić.