- Diese Veranstaltung hat bereits stattgefunden.
„Šěrcec Hanka“
26. Februar 2022 @ 19:30
wot Esther Undisz po motiwach Jurja Kocha
Ze žiwjenja katolskeje Serbowki židowskeho pochada
přełožiła Měrana Cušcyna
Znaty a w pomnjeću wosta jeje dóńt přez nowelu Jurja Kocha „Židowka Hana“ z lěta 1963, kotruž je spisowaćel w lěće 2020 we wobdźěłanej wersiji w němskej rěči wozjewił. Hanka narodźi so 1918 jako njemandźelske dźěćo z mjenom Annemarie Kreidl. Dokelž njebě jeje mać Gertrud połnolětna, přewostaji Hancyny dźěd Carl Kreidl, překupc z Drježdźan, dźěćo Šěrcecom w Hórkach. Hakle krótko do šulskeho zachoda 1925 móžeše ju Marja Šěrcec w Chróćicach adoptować a wukřćić dać, najebać přećiwjenje Hórčan gmejnskeje rady. Jako nacionalsocialisća móc přewzachu, započa so systematiske přesćěhanje a zamordowanje Židow. Tež Hana bu po rasowych zakonjach jako Židowka wobjednawana, hačrunjež bě křćena. Z napjatej stawiznu spytamy žiwjenske slědy Hany Šěrcec zrekonstruować. Hra nasta w nadawku NSLDź, wuwiwanje hry spěchowaše Załožba za serbski lud.
