- Diese Veranstaltung hat bereits stattgefunden.
Zynki a linki
15. September 2021 @ 19:30 - 21:30
Katka Krygarjec čita twórby Jana Larasa
Jan Laras narodźi so w lěće 1845 w Lejnje pola Chrósćic. Jako syn žiwnosćerskeje swójby poda so hižo jako młodostny do Prahi, zo by so na studij teologije přihotował. Tohole studija pak so wzda a promowowaše na doktora filozofije. Jako čłon Praskeje Serbowki a Maćicy Serbskeje so na wšelakorych polach spisowaćelenja pospyta. Mjez druhim wón pilnje za rukopisny žurnal “Kwětki” pisaše a w časopisu Maćicy Serbskeje wozjewi 1870 swoje rěčespytne dźěło “Serbske pluralia tantum”. Zeserbšći tež Psalmy a spisa powědki a reportaže. Z twórbow Jana Larasa čita w hudźbno-literarnym programje ansambla młoda dźiwadźelnica Katka Krygarjec z Wujěžka pod Čornobohom. Wo hudźbu postara so njewšědny muzikaliski duet. Marie-Luisa Fryčec z fletu a Benedikt Sauber při bijadle dopokazataj, zo zamóžetej instrumentaj harmonować. Wuměłcaj předstajitaj tři kruchi za fletu a bijadło z pjera Jana Pawoła Nagela “Wodźan”, “Připołdnica” a “Pumpot” a dalše twórby.
Chorosće dla změni so wobsadka při hudźbno-literarnym wječoru „Zynki a linki“. Město krótkodobnje schorjenej Katki Krygarjec čita Božena Bjaršec, kiž je runje Katki Krygarjec studentka dźiwadźelnistwa na akadmije w předpomorskim Zinnowitzu.
Lisćiki dóstanjeće při tiketowej kasy SLA abo online pod https://www.ansambl.de/hsb/hrajny-plan/
Foto: Reiner Nicklas
