Dudy, fujawa, fujara, serbske husle a akustiska gitara w jednym koncerće – njeklinči to njewšědnje? Dajće so prosće překwapić! Dudy a serbske husle so we Łužicy husćišo při programach jewitej. Ze skutkownej fujawu (ně.: Alphorn), kiž je samo narodny symbol w Šwicy, a ze słowakskej fujaru, pastyrskej pišćałku z Wysokich Tatrow skića so překwapjaca hra zynkow z tradicionalnymi instrumentami. A zhromadnje z akustiskej gitaru postaraja so dudy wo cyle nowe zynki.
Napjaty hudźbny pospyt pod nawodom dudaka Andreasa Henčla.
Pod rjanej kulisy Budyskeho stareho města wjerći so wšitko dokoławokoło dudow we wšěch wariacijach.